Шифр: 6В01532

 Берілетін академиялық дәреже: 6В01532 – «Физика – математика» білім беру бағдарламасы бойынша білім бакалавры.

Білім беру бағдарламасының мақсаты.

Қажетті кәсіби құзыреттіліктер мен дағдыларға ие, практикалық дағдылар мен көшбасшылық қасиеттерге ие, бәсекеге қабілетті, «Мұғалім» кәсіби стандартының талаптарына сай физика-математика пәні мұғалімін даярлау.

Біліктіліктер мен лауазымдардың тізбесі:

• Мұғалім. Орта мектеп мұғалімі
• Мұғалім. Колледж оқытушысы

Кәсіби қызмет саласы:

• білім беру ұйымдарында оқу-тәрбие үдерісін ұйымдастыру;
• жалпы білім беретін білім беру ұйымдарында, білім беру мекемелері мен орталықтарында балалар мен оқушы жастарды оқыту және дамыту;
• ғылым;
• зерттеудің физикалық және ақпараттық әдістерін қолданумен байланысты ұйымдар, мекемелер мен кәсіпорындар.

Кәсіби қызмет объектілері:

• мемлекеттік және мемлекеттік емес қаржыландырудың білім беру мекемелері, мектептер, лицейлер, гимназиялар, колледждер, техникалық және кәсіптік білім беретін оқу орындары;
• ғылым ұйымдары: физика, математика және оқыту әдістемесі саласындағы ғылыми, ғылыми-зерттеу орталықтары;
• басқару ұйымдары: мемлекеттік басқару органдары, білім департаменттері;
• өз жұмысында физикалық және ақпараттық зерттеу әдістерін қолданатын әртүрлі меншік нысанындағы ұйымдар.

Кәсіби қызмет пәндері:

• білім беру үдерісі оның құндылықты-нысаналы бағдарларының, мазмұнының, әдістерінің, нысандары мен нәтижелерінің бірлігінде;
• физика және математика саласындағы ғылыми-зерттеу, инновациялық, ақпараттық-аналитикалық қызмет;
• зерттеудің физикалық әдістерін жобалаудың, енгізудің технологиялық процесі;
• білім алушыларды инновациялық педагогикалық әдістер мен құралдарды пайдалана отырып тәрбиелеу, физика мен математиканы оқыту;
• оқыту мен тәрбиелеуді ұйымдастырудың мақсаттары, міндеттері, мазмұны, формалары;
• білім беру саласындағы мемлекеттік нормативтік құжаттардың, Қазақстан Республикасының білім беруді дамыту тұжырымдамаларының талаптарын іске асыру;
• тұлғаға бағытталған білім беру процесі.

Кәсіби қызмет түрлері:

• білім беру – оқушыларды оқыту және дамыту, оқыту және тәрбиелеу үдерісін ұйымдастыру, педагогикалық үдерісті жобалау және басқару, педагогикалық қызметтің нәтижелерін диагностикалау, түзету, болжау;
• әлеуметтік-педагогикалық – оқушылардың толыққанды өмір сүруіне, тәрбиесі мен дамуына қолайлы жағдай жасау және гуманитарлық-педагогикалық қолдау көрсету;
• ғылыми-зерттеушілік – физика және информатика саласында ғылыми зерттеулерді ұйымдастыру және жүргізу;
• ұйымдастырушылық-әдістемелік – инновациялық оқыту тәжірибесін зерделеу, жалпылау және тарату.

Кәсіби қызметтің функциялары:

• педагогикалық және тәрбиелік қызметті, оның ішінде заманауи педагогикалық және ақпараттық технологияларды пайдалана отырып жүзеге асыру;
• таңдалған бағытта және сабақтас салаларда ғылыми зерттеулер жүргізу;
• ғылыми зерттеулерді жобалаудың, енгізудің және нәтижелерін сүйемелдеудің барлық кезеңдеріне қатысу;
• өз еңбегін ұйымдастыру және өз бетінше білім алу үшін ақпараттық-коммуникациялық технологияларды ғылыми негізде тиімді пайдалану.

Кәсіби қызметтің типтік міндеттері:

• білім беру бағдарламасына сәйкес физика мен информатиканы оқыту үдерісін жүзеге асыру;
• оқушылардың оқу үдерісін жобалау және басқару;
• заманауи педагогикалық және ақпараттық-коммуникациялық технологияларды қолдану жағдайындағы диагностикалық, түзету, коммуникативтік, әдістемелік жұмыстар;
• физика және математика саласындағы зерттеу жұмыстары;
• эксперименттік зерттеулер жүргізу және нәтижелерді өңдеу;
• коммуникациялық құралдар мен технологияларды пайдалана отырып, ақпараттық ресурстарды өндіру мен өңдеудің технологиялық процесін ұйымдастыру.
• оқу материалын жоспарлау;
• физика және математика курстарының тақырыптарын оқытуға дайындық;
• оқыту мақсаттарына сәйкес әр түрлі типтегі сабақтарды дайындау және өткізу (физика-математика саласындағы білімді «құру» және қолдану бойынша оқушылардың іс-әрекетін ұйымдастыра отырып, жаңа материалды оқып үйрену; физика-математика есептерін шығару әдістеріне үйрету; қолданбалы есептерді шығару әдістеріне үйрету; практикалық іс-әрекетке үйрету; білімді жалпылау мен жүйелеуге үйрету);
• білім алушылардың оқу жетістіктерінің диагностикасы.

Кәсіби қызметтің бағыттары:

• тәрбие жұмысы;
• педагогикалық жұмыс;
• тәрбие жұмысы.

Кәсіби қызметінің мазмұны:

• педагогикалық қызметті ұйымдастыру және жүзеге асыру
• білім беру үдерісін сапалы ұйымдастыру және оқушының танымдық іс-әрекет тәсілдерін белсенді меңгеруіне, білім берудің тұлғалық маңыздылығына бағдарлану;
• оқытуды оқушының жеке басына бағдарлау, оның өзін-өзі ашуына, өзін-өзі жүзеге асыруына мүмкіндік беру;
• дарынды және қабілетті балалардың шығармашылық іс-әрекетке қарым-қатынасы кезінде басты мақсаты болып табылатын оқыту мен тәрбиелеудің әртүрлі технологияларын қолдану;
• оқушылардың өз бетінше білім алуына және кәсіби бағдарлануына қолайлы жағдай жасау.