2026 жылғы 29 қазанда Ахмет Байтұрсынов атындағы Қостанай өңірлік университетінде Қазақстан Республикасы Мемлекеттік қызмет істері агенттігінің Қостанай облысы бойынша департаменті Қазақстан Республикасы Президентінің жанындағы Мемлекеттік басқару академиясының Қостанай облысы бойынша филиалымен бірлесіп іске асыратын «жас мемлекеттік қызметші мектебі» жобасының тұсаукесері өтті.

Жоба белсенді және перспективалы жастарды мемлекеттік қызметке тартуға, кәсіби құзыреттерін дамытуға және Болашақ мемлекеттік қызметшілерді даярлауға бағытталған. Мектепке қатысу бітіруші курс студенттеріне мемлекеттік қызметтің ерекшеліктерімен жақынырақ танысуға, практикалық білім алуға және осы саладағы кәсіби даму мүмкіндіктерін кеңейтуге мүмкіндік береді.

Жобаның тұсаукесеріне «Бизнес және басқару»кафедрасының профессоры Александр Трофимович Кузьменконың жетекшілігімен академик Зулхарнай Алдамжар атындағы Қостанай әлеуметтік-техникалық университетінің бір топ студенттері қатысты.

Іс-шара аясында университет студенттері Шашлов Изнаур мен Құлжанов Артур жастар қозғалысын дамытуға және белсенді қоғамдық қызметке қосқан үлесі үшін алғыс хаттармен марапатталды.

Осындай іс-шараларға қатысу білім беру мекемелері мен мемлекеттік органдар арасындағы өзара іс-қимылды нығайтуға, жастардың кәсіби бағдарлануына және Қазақстан Республикасы мемлекеттік қызметінің кадрлық әлеуетін қалыптастыруға ықпал етеді.

Жастар-Қазақстанның мемлекеттік қызметінің болашағы!