24 сәуірде университеттің профессорлық-оқытушылық құрамының «Еңбек ресурстарын дамыту орталығы» АҚ (Еңбек және халықты әлеуметтік қорғау министрлігінің ведомстволық бағынысты ұйымы) өкілі Мусина Гүлназ Бақытқызымен кездесуі өтті. «Еңбек ресурстарын дамыту орталығы» АҚ миссиясы тиімді еңбек нарығын дамытуға және әлеуметтік-еңбек саласында көрсетілетін мемлекеттік қызметтердің сапасын арттыруға жағдай жасауға жәрдемдесу болып табылады.

Тұсаукесерде Мусина Гүлназ Бақытқызы оқытушыларды нарықтағы бар онлайн курстарды оңай және ыңғайлы іздеу үшін жетекші ұлттық және халықаралық білім беру платформаларымен интеграцияланудың арқасында сұранысқа ие дағдылар бойынша онлайн курстардың бірыңғай көрмесі болып табылатын Skills Enbek кәсіби онлайн оқыту платформасымен таныстырды. . Бұл платформа 2021 жылдың 1 шілдесінен бастап келесі мақсатта іске қосылды:

— жалпы ел халқының білім деңгейі мен кәсібилігін арттыру;

— мансаптық өсуді ынталандыру және өмір бойы оқыту тұжырымдамасын ілгерілету;

— онлайн-оқыту нарығын дамыту бойынша жағдайлар жасау.

Университеттің профессорлық-оқытушылық құрамы Skills Enbek платформасын оқу үдерісінде пайдалану мүмкіндіктері туралы ақпарат алып, платформадағы курстардың авторлары болуға шақырды.